jóla hjól

Best að halda áfram að blogga á þetta gloppótta blogg. Um daginn komu Anna Rún, Karó og Guðný sem var í heimsókn hjá Karó og Önnu Rún. Ég, Dýrleif og stelpurnar fórum út að borða á Víetnamskan veitngastað Lá Lúa sem var bara mjög fínn og gaman að prófa eitthvað nýtt. Það þægilega við þennan veitingastað var að það tók okkur bara um 3 mínútur að koma okkur á staðinn en það má segja að hann sé í sama húsi og við búum í. Á myndinni sjást Anna Rún fremst Karó, Guðný, Hlynur og svo Siggi þarna í bakgrunninum.
Nú styttist í jólin og okkur hlakkar mjög mikið til að fara heim til Íslands um jólin að hitta fjölskyldur okkar og jú að fá góðan mat :)

Ég hef tekið eftir einu soldið fyndnu hérna í Danmörku en það er hvað danir eru ótrúlega duglegir að flytja dót á hjólum sínum. Í fyrsta lagi er ekki óalgengt að sjá fólk hjóla á hjólinu sínu haldandi í annað hjól en samt geta hjólað á fullri ferð án þess að detta á hausinn. Sá um daginn konu flytja örbylguofn í körfunni framan á hjólinu sínu, og í dag sá ég mann með mjög langa veiðistöng bara hjólandi um eins og ekkert væri sjálfsagðara jú og eitt annað fyndið með hjólafólk hérna, sá mann flytja jólatré á hjólinu sínu en jólatréð var jafnlangt og hjólið, maðurinn batt að bara stóra tréð við hjólið og hjólaði af stað.
bless bless í bili
jóló móló
Linda Björk

Sveitarferð og afmæli

Við vorum að heiman alla helgina og gistum hjá Karó. Við fórum í þrítugs afmæli til Önnu Rúnar á laugardaginn þar sem var boðið upp á kökur og kaffi. Það var ágætis tilbreyting að fara frá borginni og í Jyllinge sveitina hennar Karó. Dýrleif fór meira að segja með Karó og krökkunum í jólaföndur á elliheimilinu í dag þar sem var föndrað, drukkið smá jólaglögg og borðaðar danskar eplaskífur (eplaskífur tengjast eplum ekki neitt humm... fyndið, samt voða góðar). En ég Linda Björk nennti ómögulega með á þessa ellismella skemmtun og var bara heima í rólegheitum. Skelli inn mynd tekna í afmælinu af Önnu Rún og Ásdísi Grétu.

Dýrleif fótboltabulla :)

Halló halló

Við erum búnar að vera voða heilsusamlegar núna með því að sleppa að kaupa strætókort og labba í skólann og helst allt sem við þurfum að fara (gengur ekki alltaf) erum svona sirka 35 til 40 mínútur að labba í skólann eða það fer eftir því hvað við erum duglegar að fara á fætur :)
Dýrleif fór á Parken í gær á landsleik Danmörk-Ísland. Danir unnu Ísland 3-0, þrátt fyrir ósigur Íslendinga var víst mjög gaman á leiknum. Dýrleif fór á leikinn með Guðrúnu sem er með okkur í skólanum og kærasta hennar Valda skeggjaða. Guðrún var með myndavél og tók myndir, ég fór á blogg síðuna hennar og stal einni mynd. Á myndinni má sjá Dýrleifu og Valda stuðningsmenn með hatta, Sigga meðleigjanda og einhvern annan mann sem ég hef bara ekki hugmynd um hver er.
Danir voru auðvitað ánægðir með sigurinn eins og sjá mátti á forsíðu blaða í dag, þar sem sagt var frá að þeir hefðu unnið með 3 marka mun. Okkur gengur bara betur næst eigum við ekki bara að segja það :)

Nóg að gera

halló halló nú er aldeilis langt síðan við skrifuðum síðast.... Það sem af okkur er að frétta núna er að við erum búnar með síðasta áfanga og erum byrjaðar í áfanga sem heitir tropical botany. Hann fjallar aðallega um regnskógaplöntur, og endar með 3 vikna ferð til Guatemala í mið Ameríku. Með okkur í áfanganum eru 2 íslendingar þau Hlynur og Guðrún en þau voru með okkur í Landbúnaðarháskólanum á Hvanneyri. Hlynur var með okkur í umhverfisskipulagi en Guðrún var í búvísindum. Dagurinn í dag fór í að læra fyrir tímann á morgun með Hlyni. Tók mynd af honum á fullu við lærdóm :) Það sem við gerðum annað um helgina var að heimsækja Önnu Rún og Stefán á laugardagskvöld og við spiluðum fram á nótt.

kaldur hafragratur nammi namm

jæja nú er orðið frekar langt síðan að við blogguðum. Það sem við höfum verið að gera er að vinna endalaust í þessu hópaverkefni sem við vorum í, en við kláruðum það á fimmtudaginn. þá er bara eftir að fara í prófið á sem er núna á fimmtudaginn. Dýrleifu var um daginn boðið í pólskt matarboð sem var víst mjög svona öðruvísi en samt bara skemmtilegt held ég. Talandi um mat þá bauð hópfélagi minn mér hafragraut, nema hann var ekki hitaður heldur borðuðum við hann með mjólk og smá sykri. þarf held ég varla að taka það fram að mér fannst hann ekki góður en þetta var kvöldið fyrir skil á verkefninu og við höfðum ekki tíma til að fara og fá okkur að borða og þetta var það eina í boði. Þannig var kvöldmaturinn minn þetta kvöld vá hvað ég er að skrifa spennandi og fróðlegar færslur..... ætti eiginlega bara að gerast rithöfundur :)

Svo ég tali nú meira um mat þá fórum við einhvern tímann um daginn út að borða ég (Linda),Dýrleif, Siggi meðleigjandi, Belinda og Jóna sem kom í heimsókn frá Noregi en hún er þar í landslagarkitektúr. En það var mjög gaman ég fékk mér lax sem var ágætur hefði nú mátt vera meira af laxi fékk eiginlega bara kartöflur held það hafi verið svona 10 litlar kartöflur og smá lax.

Hvað get ég talað um meira annað en um skólann og mat... humm jú veðrið það er orðið kalt hérna 6-7 stiga hiti stundum meira en það er orðið mjög kalt í íbúðinni. En sem betur fer erum við með heita ullarsokka að heiman sem halda á okkur hita, tánum að minnsta kosti. svo erum við duglegar að kveikja á kertum ( og mamma við pössum okkur ALLTAF á að slökkva á kertunum áður en við förum að sofa eða út).
Jæja ætli það sé ekki best að fara að lesa fyrir prófið
bæjó Linda Björk

Vetrarfrí

Nú erum við komnar í svokallað vetrarfrí. Við verðum samt ekki í miklu fríi þar sem við erum í stóru verkefni og þurfum að klára það í frívikunni. Það er mikið um veikindi í skólanum, annar hver maður er að snýta sér og hnerra. Við fáum okkur c vítamín og sólhatt á hverjum degi til að verjast þessarri pest. Vonandi tekst það því þetta er slæm tímasetning á veikindi.
Linda horfir mikið á náttúrulífs og dýraþætti í frítíma sínum og þá sérstaklega dýrasjúkrahúsþætti. Ég benti henni á að í skólanum okkar eru kenndar dýralækningar. Það er ekki víst að við förum í botany kúrsinn til Guatemala því það eru ekki nógu margir búnir að skrá sig. Við vonum það besta. Meðfylgjandi mynd er tekin í skógarferð í Drammen, Noregi. Við fórum þangað í námsferð um daginn.
Hef nú ekki mikið meira að segja... er á messenger, að skrifa blogg og vinna í verkefninu. Þarf að fara að einbeita mér að náminu eins og einhver mundi segja. :) Hafið það gott!

Tyggjóklessur og pípulagnir :)

jæja nú er kominn miðvikudagur vikan er fljót að líða. Erum á fullu að vinna í stóru hópaverkefni sem við eigum að skila eftir 2 vikur. Samvinnan í hópnum gengur stundum erfiðlega þar sem fólk er ekki alltaf sammála. Í hópnum mínum er dönsk stelpa og strákur frá Kamerún ( þarf eiginlega að kíkja á landakort til að vita hvar það er). Í hópnum hennar Dýrleifar er danskur strákur og stelpa fráPóllandi. Skrifa ekki um annað en skólann en það fer eiginlega allur okkar tími í hann. Svo ég tali nú um annað en skólann þá er Dýrleif að elda grjónagraut sem ég er spennt að fá að borða því í gær fékk ég bara jólasmákökur í kvöldmat já það styttist í jólin... Það er farið að kólna soldið hérna, erum samt ekki farnar að þurfa að nota kuldaúlpurnar strax en það fer að styttast í það, laufin eru allavega ekki fallin af trjánum ennþá. Svo ég haldi nú áfram að skrifa þá má ég til með að tala um íbúðina okkar hún var svo skítug. Frá því að við fluttum inn held ég sé búin að skrapa svona fimm tyggjóklessur af gólfinu en íbúðin er öll að lagast og er bara orðin nokkuð fín núna. Við verðum hvort sem er bara í henni til áramóta. Verðum að vera búnar að finna nýja íbúð fyrir fyrsta janúar. Bið að heilsa yfir og út Linda Björk. Myndin sýnir flotta baðherbergið okkar. Dýrleif ætlar að skrifa á morgun:)